Informe da Xuntanza do 7 de Febreiro de 2012

INFORME Nº3 - XUNTANZA DO 7 DE FEBREIRO DE 2012.

Referencia: Proceso de constitución do Encontro Social de Ferrol Terra e da Rede de Apoio Mutuo

No Local Social da Asociación Veciñal de Esteiro

Están representadas as seguintes organizacións:

• Fuco Buxán A.C.
• COGAMI
• Marcha Mundial das Mulleres
• Esquerda Unida
• Asociación San Fernando – Recimil
• Colectivo Ártabra 21
• Asociación de Economía Social Briante
• Asociación Veciñal San Pablo
• PSOE
• STEG
• Asociación Veciñal de Ferrol Vello
• Colectivo Sociocultural A Revolta
• Lazos Pro-Solidariedade Comité Antisida de Ferrolterra
• Emisoras Municipais Galegas
• Asociación Veciñal O Rosario - Inferniño

A maiores asisten persoas a nivel individual, o que fai un total de 32 persoas participantes.

Xustificaron a súa non asistencia:

• ADEGA
• Foro Galego de Inmigración
• Asociación Veciñal Santa Mariña

As seguintes organizacións teñen asistido a anterior convocatoria, pero nesta non enviaron representación:

• Colectivo Opaii - Radio Filispim
• Asociación Veciñal de Esteiro
• Cooperativa de Consumo responsábel A Xoaniña
• Ateneo Ferrolán

Proponse o seguinte orde do día:

1. Informe da Comisión de Economia Social e Calidade de Vida.
2. Informe da Comisión de Comunicación e Diagnose.
3. Análise, debate e se procede aprobación das propostas das comisións.
4. Outras propostas.

Antes de comezar a desenvolver a orde do día, un representante da Plataforma en Defensa da Sanidade Pública, informa da Iniciativa Lexislativa Popular, e a mobilización diante do Centro de saúde do Concello de Ares, o sábado 11 de febreiro ás 11hs.

Tamén se pasa información da mobilización convocada pola Plataforma polo Aforro Público, do xoves dia 9 ás 17:30hs, para demandar da fiscalia que actue contra os xestores que levaron á ruína ás caixa de aforro; e da Iniciativa Lexislativa Popular, pola “dación en pago” en relación ao desafiuzamento de vivendas relacionados coas hipotecas.

Anexase arquivos cos informes das Comisións [*].

Foron temas de debate:

• Como conseguir dar a coñecer o Encontro Social e a Rede.
• Como interconectar a persoas que poidan estar interesadas en participar nos proxectos de economía social.
• Como conseguir conxugar o interese persoal, co traballo e compromiso social que ten que caracterizar ás persoas que se impliquen nos proxectos que xurdan da Rede.

En relación á información e propostas que ofrece a Comisión de Economía Social, chegase ao seguintes acordos:

1. Realizar unha xornada de formación sobre finanzas éticas, contando coa participación de COOP57 e Fiare.
2. Esta xornada será pública e aberta, polo que contará coa súa campaña de divulgación (apuntase oficinas do INEM como lugar preferente).
3. Comezar a conformar un fondo de aforro local.
4. Incorporar ao proceso a persoas con experiencia en campos concretos que poidan confluír en proxectos.
5. Comezar a planificar o funcionamento dun banco de tempo, completado con outras actividades en rede (rede de favores).

En relación á información e propostas que ofrece a Comisión de Comunicación e Diagnose, chegase aos seguintes acordos:

1. Continuar coa elaboración do informe de diagnose completando a visita ás asociacións veciñais. Facilitar a todas as asociacións e persoas do Encontro Social, o documento “Poder ao noso pobo” Modelo de investigación participativa: creando enquisas: http://datacenter.org
2. Continuar co desenvolvemento do proxecto “Centro de Información Comarcal”.
3. Reforzar a Comisión sumando máis persoas para acadar os obxectivos marcados en menos tempo.
4. Publicar toda a información na rede.

Nova data de reunión das Comisións 14/2/2012, nos locais de Fuco Buxán no barrio de Caranza ás 19hs a de Economía Social e Calidade de Vida; ás 18:00 hs a de Diagnose e Comunicación.

Nova reunión plenaria do Encontro Social de Ferrol Terra, o 28/2/2012 ás 19hs nos locais da Asociación Veciñal de Esteiro.

[*]Documentos Anexos:

INFORME Nº1 DA REUNIÓN DA COMISIÓN DE ECONOMÍA SOCIAL E CALIDADE DE VIDA – DO 24 DE XANEIRO DE 2012.

INFORME Nº2 DA REUNIÓN DA COMISIÓN DE ECONOMÍA SOCIAL E CALIDADE DE VIDA – DO 31 DE XANEIRO DE 2012.

INFORMES Nº1 e Nº2 DAS XUNTANZAS DO 24 DE XANEIRO E DO 31 DE XANEIRO DE 2012.

• Presentación para un Informe de Diagnose Socieconómica de Ferrol Terra.

• Proposta de Centro de Información Comarcal.

|||||||||||||||||||||||||